Um Okkur

Arctic Machinery er Íslenskt fyrirtæki sem sérhæfir sig í sölu á búnaði og þjónustu fyrir Íslenska fiskframleiðendur til lands og sjávar. Viðskiptavinir okkar eru aðallega útgerðir báta og skipa, fiskvinnslur og fiskeldisfyrirtæki í framleiðslu á laxi og bleikju. Arctic Machinery býður einnig Íslenskum vélaframleiðendum sérsmíði á þeirra vörum og afhendir þær á Íslandi eða beint til erlendra viðskiptavina þeirra. Með þessu sparast bæði tími og kostnaður. Að auki hefur Arctic Machinery söluumboð á Íslandi frá fyrirtækjum sem hafa boðið búnað fyrir matvælavinnslu og má þar nefna Ultra Aqua vatnshreinsibúnað frá Danmörku, Þrifalausnir frá Elpress í Hollandi, Nock roðflettivélar frá Þýskalandi, Radwag vogir frá Póllandi, Icepack gelmottur frá Hollandi og stöðugleikabúnað í skip frá Seakeeper í Bandaríkjunum.

Starfsmenn Arctic Machinery hafa áratuga reynslu í sjávarútvegi og leggja metnað sinn í að veita viðskiptavinum sínum framúrskarandi þjónustu.

Jóhann Jónasson hefur tengst sjávarútvegi frá æsku enda fæddur og uppalinn á Ísafirði. Frá blautu barnsbeini voru störf við fiskvinnslu og sjósókn hans vettvangur og síðar meir rekstur fyrirtækja sem framleiða vinnslulausnir fyrir sjávarútvegsfyrirtæki. Jóhann er með MBA í viðskiptafræði og stjórnun frá Háskólanum í Reykjavík.

Kristján Karl Aðalsteinsson er fæddur og uppalinn í Bolungarvík en flutti á unglingsárum sínum til Danmerkur þar sem hann lagði stund á nám í útflutnings og markaðsfræði í Óðinsvéum. Kristján starfaði um árabil bæði í Danmörku og Þýskalandi og eftir heimkomuna hefur hann starfað við sölu og markaðsmál tengdum sjávarútvegi. 

Vygandas Srėbalius er fæddur og uppalinn í Litháen. Hann hefur um árabil starfrækt fyrirtæki í framleiðslu á vélum og tækjum fyrir kröfuharða matvælaframleiðendur víðsvegar í Evrópu. Hann er menntaður frá tækniskólanum í Klaipeda og stýrir fyrirtækjunum Lavango Group og MVP í Litháen sem framleiðir vélar og búnað Arctic Machinery ásamt því að vera svæðissölustjóri á völdum mörkuðum.

Birgjar Arctic Machinery